Cydweithio mewn partneriaeth

Ein partneriaid

Mae Asthma UK Cymru yn anelu at weithio gyda chymaint o bartneriaid â phosibl er mwyn gwella iechyd a lles y bobl sydd ag asthma yng Nghymru.

Rydym yn cadw mewn cysylltiad cyson â sefydliadau eraill sy’n cefnogi pobl sydd â chyflyrau meddygol hirdymor, er enghraifft, Sefydliad Prydeinig yr Ysgyfaint,  Cymdeithas Siartredig Ffisiotherapi a Diabetes UK Cymru. Rydym yn chwilio am ffyrdd o gydweithio er mwyn rhoi cyflyrau hirdymor yn uwch ar yr agenda yng Nghymru.

Rydym yn aelodau o’r Gynghrair Cyflyrau Hirdymor (LATA) sy’n cynrychioli buddiannau pobl sydd â chyflyrau iechyd hirdymor. Yn ogystal â hyn, rydym ni hefyd yn aelodau o Gynghrair Anadlu Cymru (RAW) sy’n cyfarfod yn rheolaidd i drafod dulliau o fynd i’r afael â materion anadlu drwy gyfrwng gwaith sefydliadau unigol, rhannu profiadau, arferion da a rhannu gwybodaeth gyda chyrff sy’n gwneud penderfyniadau, megis Llywodraeth Cynulliad Cymru.

Digwyddiad sydd ar y gweill

Ym mis Gorffennaf 2010, byddwn yn mynychu cyfarfod y Gymdeithas Brydeinig ar gyfer Ymchwil yr Ysgyfaint (BALR) yn yr haf. Bydd y gynhadledd, 'Asthma: Genes, Environment and Cellular Mechanisms' yn cael ei chynnal yng Nghanolfan Dylan Thomas, Abertawe o 7-9 Gorffennaf. Bydd gwyddonwyr a chlinigwyr blaenllaw yn bresennol a bydd yn rhoi cyfle i Asthma UK Cymru lobïo ar ran y bobl hynny yng Nghymru sy’n dioddef o asthma.