Lobïo'r llywodraeth

Cynadleddau pleidiau gwleidyddol

Bydd Asthma UK Cymru yn mynychu pedair cynhadledd y pleidiau gwleidyddol yng Nghymru eleni.

Ein nod fydd codi ymwybyddiaeth o asthma a dylanwadu ar faniffestos y pleidiau ar gyfer etholiadau Cynulliad Cenedlaethol Cymru 2007. Bydd gennym stondinau arddangos yn y cynadleddau canlynol:

• Cynhadledd Plaid Cymru: 25 Chwefror, Caerfyrddin
• Cynhadledd y Blaid Geidwadol: 3, 4, 5 Mawrth, Llandudno
• Cynhadledd y Rhyddfrydwyr Democrataidd: 10, 11 a 12 Mawrth, Wrecsam
• Cynhadledd Llafur: 23, 24, 25 Mawrth, Abertawe

Os ydych yn bresennol yn unrhyw un o'r cynadleddau hyn, dewch draw atom am sgwrs, a gwnawn ein gorau i ateb unrhyw gwestiynau a fydd gennych.

Monitro'r cynulliad

Byddwn yn cadw golwg fanwl ar fusnes y Cynulliad er mwyn canfod unrhyw bolisïau neu ddadleuon a allai effeithio ar fywydau pobl y mae asthma arnynt. Nodwch y dudalen hon er mwyn gweld y newyddion diweddaraf am fusnes y Cynulliad a allai effeithio arnoch chi.

Ymgynghoriadau'r cynulliad

Yn ddiweddar rydym wedi ymateb i ymgynghoriad y Cynulliad Cenedlaethol ar ysmygu mewn mannau cyhoeddus, ac wedi llunio achos cryf iawn dros waharddiad llwyr ar ysmygu ym mhob man cyhoeddus yng Nghymru. Byddwn yn dal i bwyso i wneud yn siŵr bod gwaharddiad mewn grym yng Nghymru cyn gynted ag y bo modd.

Bydd Asthma UK Cymru yn ymateb i bob ymgynghoriad gan y Cynulliad sy'n effeithio ar bobl y mae asthma arnynt yng Nghymru.

Ymunwch â'r e-ymgyrchwyr

Gallwch hefyd ddylanwadu ar benderfyniadau'r llywodraeth a phenderfyniadau polisi trwy ddod yn aelod o'n rhwydwaith o e-ymgyrchwyr. Trwy roi eich enw ar ein rhestr gyfoes o e-ymgyrchoedd gallwch roi gwybod i'ch AS neu i'ch AC lleol am y pryderon sydd gan bobl ag asthma yn genedlaethol ac yn lleol.